Queridas familias,
Achegámosvos propostas para visitar o Museo no segundo e terceiro trimestre deste curso. Nelas combinamos a fórmula presencial e a virtual:
· Ofrecémosvos actividades presenciais dinamizadas polas nosas educadoras. Por exemplo obradoiros sobre cultura mariñeira e sustentabilidade, música tradicional na actualidade... ou, na semana da nosa Mostra internacional de Cinema Etnográfico, sesións de cinema no Museo.
· Continuamos coas visitas autónomas para coñecer a colección pola vosa conta, a través de materiais lúdicos que vos enviamos con antelación para facilitarvos a visita.
· Temos actividades en liña, como sesións de contos ou de cinema. Nesta opción, tamén poderedes visitar as diferentes salas do Museo desde a vosa aula. Como? Paseando con nós nun percorrido virtual. Vós escolledes o tema e nós contámosvolo.
· Está aberta a posibilidade de que nos visitedes por libre ou que nos fagades propostas de colaboración para que a vosa visita e inmersión no Museo sexa o máis enriquecedora posible.
Enviamos adxunto o programa con máis información de cada actividade,
Grazas pola vosa atención! Agardamos que vos interese.
Un saúdo.
--
DIRECTIVA ANPA LOPE DE VEGA
Ningún comentario:
Publicar un comentario