Xa temos preparada a nosa seguinte ENAPA.
Será o próximo luns 17 de xaneiro de 2022, de 17:30 a 19:30.
Correrá a cargo de Lidia Folgar, Dietista-nutricionista especializada en psiconutrición e nutrición pediátrica con 15 anos de experiencia.
Fundadora e directora do centro de nutrición e autocoidado interdisciplinar Lidia Folgar en Pontevedra e online.
Autora dos libros "Aprender a comer solo", "La salud en tu plato" e coautora do libro solidario "Los peques a la mesa".
Redactora habitual de artigos de nutrición na web de Antena 3, colaboradora habitual do programa A Revista da Televisión de Galicia, docente de cursos de formación para nutricionistas e para a poboación xeral e divulgadora en redes sociais.
Nela trataremos aspectos básicos sobre:
· A repercusión entre alimentación infantil e saúde futura.
· A etapa da alimentación selectiva tamén coñecida como neofobias e como xestionala.
· Debemos preocuparnos cando non comen?
· Crenzas limitantes por parte das familias.
· Principais erros que se cometen nos almorzos e merendas.
· Alternativas e pautas de alimentación saudable
Como xa comentamos o relatorio se realizará de xeito virtual, a través da ferramenta web para conferencias en liña que pon a disposición dos Centros Educativos a Consellería de Educación, CISCO WEBEX.
Precisamos inscrición para poder enviar o enlace a reunión. Así que se estades interesados/as non tendes máis que mandar un correo solicitando as claves de acceso.
E sen máis despedímonos agardando vervos o luns día 17.
Agradecemos difusión.
Atentamente, Paula. Coordinadora das ENAPAS do CEIP Valle- Inclán.
Se alguén desexa causar baixa da lista de difusión non ten máis que responder a este correo solicitando a baixa da mesma.
Ningún comentario:
Publicar un comentario